Tracts

Welcome www.saontal.com website

GOHA

Baba Isorak' mahima, gun manao man manot hoyuk' tae ma.:-

Ińak' jonom do mit' isạe gharoń re hoena ar kạtoc' khon ge Baba Isorak' daya te Catholic hostel ar iskulregi ińak' olok' paṛhaok' ehop ena. Ar hostel reak' ãṅ ari leka dinhilok'girjạ calak' ar Isor Baba dewa sewae doń cet' keda. Baebel puthi paṛhao se misạ pujạ re sereń ạyur kore ạḍi rikiṛ mone teń purao idiet' tahena. Menkhan Isor Baba wak' sereń são sãote film reak' hõń sereńet' tahè kana. Ar re noa duniya reak' beohar ko lekageń beoharet' tahe kana. Ińak' jibon re bodlao do baṅ tãhe kana. Meṭrik pass katet' ińak' olok' paṛhaok' lahak' lạgit; college reń bhurti yena. college hosṭel re tãhen jokhen esteg se bapla bihạ re film reak' iń sereńet' tãhẽ kana. Ar eken ńutum isạe geń tãhẽ kana.Saetan do ińak' re aema dhao nosṭo lạgit'e kurumuṭu keda. Menkhan Baba Isorak' daya dulạṛ te, Bańcao idi yena.Ar koleg reak' biḍao rehõ Baba daya te pass idi keda. Ar un oktege September 2009 re Sacred assemblies Fellowship church Delhi khon Pastor Samuel Soren são teń ńapamena aṭhwar hilok' dewa sewa rei neota kedińa.Ar neota teń calaoena, ar onka gi jaogi calak' iń ehop' keda.Isor Baba ṭhen jaoge koejoṅ ar uniak' kathako paṛhao sao sãote ińdo ińak' pap ar ghạṭ koń ãṅgoc' keda ar iń tet' hõń jimạena. Ar somoe ge Sonot atma reak' daṛeń aṭkar keda ar bohok' khon jaṅga hạbic' rawalgeń aikạo keda. Noa katha do khạṭi teń baḍae keda je Isor Baba do Ińe dulạṛediń kana.Romi 8:31 Isor ge abo lạgit' menae khan enḍe khan ạbu upạr tedo okoe ? Baba Isorak' mone lekanak' jibon re okań pontha wakat' leka ona aṅgoc' katet' laha sec' geń taṛam idi keda.Ińak' jibon re aema dhao ganga re calak' kan lạoka leka uḍuc ḍubuc idik' kan tãhena.Ar jaoge Baba Isor ṭhen koejoṅ hõń koejoṅ kana jemon Baba Isorak' mone lekań calak'.Baba Isorak' daya leka te teheń mit' ṭen Mashi sanstha reń kạmi kana.Ar Isor Babawak' mạhima lạgit' geń sereńeda. Baba Isorak' manot ar gun manao ge hoyuk' tae ma.

Bro.Lorence Hansdah,

sahibganj, jharkanḍ.